قانون الهجرة لألمانيا لعام 2020
ناس كتير حلمها تسافر و تعيش في ألمانيا بس مكانش فيه فرصة تعمل ده نظرا لقوانين الهجرة اللي بتكون فالغالب محبطة جدا و تعسفية.
بس ألمانيا قررت تفتح باب الهجرة من جديد و المرة دي تعلن حاجتها عن مليون و نص فرصة عمل جديدة ف مجالات و تخصصات كتير جدا و اللي مفاجأة انها كمان معظمها مجالات حرفية زي انك تكون ( حداد- نجار-سباك- كهربائي )
المهن دي ألمانيا محتاجة ليهم بشكل كبير جداا و لو توفرت فيك الشروط دي هتكون من ضمن اللي هيتقبلوا للسفر لألمانيا
مش بس كده لأ .. ده كمان بتعلن عن حاجتها لناس بدون شهادة و بدون خبرة لو حابب تعرف ايه هي الشروط لكل حاجة تابع الموضوع للأخر.
أولا : المهن الأكاديمية :
المهن الاكاديمية و اللي هي زي انك دكتور صيدلي مهندس أيا كان تخصصك .. أيا كان الشهادة الجامعية اللي انت حاصل عليها فالحالة دي أنت هتقدم علي فيزا بحث عن عمل بتكون مدتها 6 شهور تدور فيهم علي شغل هناك و هتكون محتاج يتوافر فيك الشروط الأتية:
1) حساب بنكي لايقل عن 4000 يورو أو أكتر "عشان يضمنوا انك هتقدر تصرف علي نفسك ال6 شهور"
2) 5 سنين خبرة في مجال عملك
3) مستوي لغة لا يقل عن ال B1
ثانيا : المهن الحرفية :
المهن الحرفية و اللي قلنا زي انك تكون (حداد-نجار_سباك-كهربائي-بناء ...)
فالحالة دي هتكون محتاج نفس الشروط اللي فالمهن الاكاديمية و هتكون محتاج شهادة خبرة من بلدك انك متقن للحرفة دي .. ممكن مستوي اللغة يتساهلوا فيه شوية و يكون A1 لو أنت من ضمن المهن اللي محتاجينها ضروري
و هنا رابط بالوظائف اللي محتاجينها
https://www.make-it-in-germany.com/en/jobs/looking-for-a-job/
ثالثا: بدون شهادة و بدون خبرة :
من أكتر الحاجات المشجعة بقه انك حتي لو مش معاك شهادة او خبرة كافية هما برده هيخلقولك فرصة تدريب لمرة 3 سنين ف مجال التمريض او رعاية المسنين و ف خلال فترة التدريب بيكون متاح ليك عمل جزئي ف نفس المجال و بيكون تقريبا الراتب 900 يورو و بعد الفترة دي تقدر تشتغل و طبعا الراتب هيكون راتب دوام كامل
الشروط اللي واجب توافرها فالحالة دي هما
1) حساب بنكي ب 4000 يورو
2) شهادة اتمام مستوي B1 من معهد جوته أو تلك
